Mae Cati yn paratoi ar gyfer y Pasg. Mae'n edrych ymlaen at dreulio amser gyda'i theulu ac yn gobeithio y bydd y tywydd yn neis fel y gall hi ymweld â rhai atyniadau lleol. Ei hoff le i ymweld ag yw Castell Caerffili gan ei bod hi'n hoffi dysgu am yr hanes tu ôl iddo.
Bob blwyddyn, mae Cati a'i mam yn gwneud nythod Pasg i roi fel anrhegion i deulu a ffrindiau. Mae'n trêt arbennig iawn. Gallwch wneud nythod Pasg gartref hefyd drwy ddefnyddio'r rysáit isod. Mae'n gyflym a hawdd i'w wneud gyda chymorth oedolyn.
Sut i wneud nythod Pasg
Beth fydd angen arnoch:-
• Shredded Wheat ( neu rawnfwyd tebyg, wedi ei dorri i fyny)
• Siocled Coginio
• Casys papur
• ‘Mini eggs' neu gywion bach fel addurn
Beth i wneud:-
Yn gyntaf, mae angen i'ch rhiant neu eich gwarcheidwad doddi'r siocled mewn bowlen neu dros ddŵr berwedig neu yn y ficrodon. Unwaith mae wedi toddi'n llwyr, cymysgwch y grawnfwyd a'r siocled gyda'i gilydd. Unwaith mae'r grawnfwyd i gyd wedi eu gorchuddio, rhowch y cymysgedd yn y casys papur a gwnewch siâp nyth drwy wasgu yn y canol gyda llwy. Rhowch y nythod yn yr oergell i osod ac wedyn eu haddurno naill ai gyda chywion bach Pasg neu wyau Pasg bach.
Faint ydych chi'n gwybod am y Pasg?
Ydych chi wedi bod yn dysgu am y Pasg yn yr ysgol? Mae Cati wedi dysgu llawer am y Pasg ac wedi darganfod rhai pethau diddorol iawn. Gallwch weld ei phum ffaith gorau'r Pasg isod.
• Adeg y Pasg, rydym yn cael dwy Ŵyl y Banc. Adnabyddir y rhain fel Gwener y Groglith a Dydd Llun y Pasg.
• Adnabyddir y Pasg fel gŵyl symudol gan fod y dyddiad yn newydd bob blwyddyn. Gall fod o unrhyw ddyddiad rhwng yr 22aino Fawrth a'r 25ain o Ebrill. Mae wedi ei seilio ar galendr lleuad, felly mae bob amser yn cwympo ar y Dydd Sul cyntaf yn dilyn y lleuad lawn ( ar ôl yr 21ain o Fawrth).
• Y gair Ffrengig ar gyfer y Pasg yw ‘Paques' (sy'n dod o'r gair Saesneg ‘ Passover').
• Yr wyau Pasg cyntaf erioed a roddwyd oedd wyau adar wedi eu paentio mewn lliwiau llachar fel eu bod yn edrych fel anrhegion.
• Cig oen wedi ei rhostio yw'r cig traddodiadol ar gyfer prif bryd y Pasg. Mae'n cael ei weini gyda saws mintys a llysiau.
